Елімізде бір адам орташа есеппен 21 келі ет жеген екен. Етке деген сұраныс артқан. Және бағасы да өсіп кетіпті.
2020 жылдың 3 кварталында әрбір қазақстандық орташа есеппен 21,3 келі ет жеген. Бұл екінші кварталмен салыстырғанда 1,4 келіге көп. Көбіне қазақстандықтардың сұранысы сиыр етіне артқан. Бұл туралы energyprom.kz сайты жазды.
Ет алушылар саны еліміздің барлық өңірлерінде көбейген. Ең көп ет жейтін облыстардың көшбасында Қарағанды облысы тұр. Қарағандының әрбір азаматы бір кварталда 26,8 келі ет жеген. Екінші, үшінші орында Ақмола облысы мен Алматы қаласы екен.
Қазақстанда еттің бағасы да қымбаттап кеткен. Қой еті 16,2%, жылқы еті 11,9%, сиыр еті 8% қымбаттаған.
