Шымкенттің Әкімшілік іскерлік орталығындағы 56 пәтерлі 9 қабатты үйдің құрылысын бүгін қала әкімі Мұрат Әйтенов қадағалап шықты.
Мұндағы тұрғын үйлерді «Атамекен Корпорациясы» және «Югстройсервис-Н» мекемелері салып жатыр. Көпқабатты 3 үйдің құрылысы маусым айында, қалған 3 үйдің құрылысы қыркүйек айында аяқталмақ.
Жалпы алғанда бұл үйлерде 1 бөлмелі - 96 пәтер, 2 бөлмелі – 96, 3 бөлмелі – 144 пәтер бар. Аталған үйлер пәтер кезегінде тұрған азаматтарға арендалық негізде беріледі.
Қала әкімі тиісті сала басшысына мердігерлердің жұмысты сапалы орындауын бақылауды, кемшіліктер кетсе, дереу түзетуді тапсырды.
