Абай облысында ІІМ-нің арнайы бөлімшесінің қатысуымен көлік кузовы мен шассиінің идентификациялық нөмірлерін қолдан жасауға байланысты қылмыстық схема әшкереленді, деп хабарлайды Malim.kz.
Заңсыз іс-әрекеттер Семей қаласындағы техникалық қызмет көрсету станцияларының бірінде жүргізілген.
Жедел-іздестіру шаралары барысында күдіктінің жеке басы анықталды. Ол Алматы қаласының 40 жастағы тұрғыны болып шықты.
Жедел тінту кезінде лазерлі принтері бар жабдық, ноутбук, үш ұялы телефон, сондай-ақ идентификациялық деректерін өзгертуге дайындалған тоғыз көлік тәркіленді. Қылмыстық істің барлық мән-жайын анықтау үшін қосымша дәлелдер сараптамаға жіберілді, деп хабарлады Абай облысының полиция департаментінің баспасөз қызметі.
Полицияның мәліметінше, көлік кузовы, шассиі, қозғалтқышының нөмірлерін, сондай-ақ мемлекеттік тіркеу белгілерін қолдан жасау немесе жою фактісі бойынша сотқа дейінгі тергеу басталды. Күдікті төрт жылға дейін бас бостандығын шектеу немесе сол мерзімге мүлкін тәркілеумен бірге бас бостандығынан айыру жазасына кесілуі мүмкін.
Тергеу барысында қылмыстық әрекеттердің барлық мән-жайы мен басқа да ұқсас қылмыстарға қатысы бар-жоғы анықталады. Бұған дейін Алматыда да арнайы операция жүргізілген. Екі тұрғын ұрланған көліктердің VIN-кодтарын өзгертіп отырған.
Полицияның мәліметінше, көлік кузовы, шассиі, қозғалтқышының нөмірлерін, сондай-ақ мемлекеттік тіркеу нөмірлерін қолдан жасау немесе жою фактісі бойынша сотқа дейінгі тергеу басталды.
Тергеуге алынған күдіктіге төрт жылға дейін бас бостандығын шектеу немесе дәл сол мерзімге мүлкін тәркілеумен бірге бас бостандығынан айыру жазасы тағайындалуы мүмкін.
Абай облысының полиция департаментінің хабарлауынша, тергеу барысында қылмыстық әрекеттің барлық мән-жайы және басқа да ұқсас құқықбұзушылықтарға қатысы бар-жоғы анықталатын болады.
Фото: Абай облысы ПД баспасөз қызметі
