Есірткі таратқан қызылордалық тұрғын 10 жылға сотталды
Ол мобильді қосымша арқылы тапсырыс қабылдап, синтетиканы қала ішіндегі жасырын жерлерге салып отырған
Сот есірткі затын таратумен айналысқан 20 жастағы қызылордалыққа үкім шығарды. Биыл ақпан айында оны облыс орталығындағы мөлтек аудандардың бірінде полицейлер қолға түсірген.
«Жүргізілген шара барысында одан 10,53 грамм жүйкеге әсер ететін заттар алынған. Бұл үлкен мөлшердегі синтетикалық препараттарға жатады. Оның айтуынша, ол мобильді қосымша арқылы тапсырыс қабылдап, синтетиканы қала ішіндегі белгілі бір жасырын жерлерге салып отырған. Сотта айыпталушы өзінің кінәсін мойындады. Ұсталған азамат кінәлі деп танылып, 10 жыл мерзімге бас бостандығынан айырылды. Сот үкімі заңды күшіне енді», - деп мәлім етті Қызылорда облыстық полиция департаментінен.
Фото: Azattyq Ruhy
