Қайрат Сатыбалды бостандыққа шықты
Жазасының қалған мерзімін Алматыдағы пробациялық бақылауда өткізеді
Нұрсұлтан Назарбаевтың жиені Қайрат Сатыбалды бостандыққа шықты. Бұл туралы Kozachkov offside Telegram-арнасы хабарлады.
Қайрат Сатыбалды сыбайлас жемқорлық үшін 6 жылға сотталған еді. Сот оның шартты түрде мерзімінен бұрын босап шығу туралы өтінішін қанағаттандырды.
Жазасының қалған 3 жыл 3 ай және 7 күн мерзімін Алматыдағы пробациялық бақылауда өткізетін болды.
Түрмеден шыққан ағасын інісі Самат Әбіш қарсы алып алды. Оған да сот 8 жыл шартты жаза тағайындаған.
Айта кетсек, Қайрат Сатыбалды 2022 жылдың наурыз айында «Қазақтелеком» АҚ-ның лауазымдық өкілеттіктерін асыра пайдаланды және қаражатын аса ірі мөлшерде ұрлады деген күдікпен ұсталып, қамауға алынған. Астана қаласы Байқоңыр ауданының №2 соты оны мүлкін тәркілей отырып 6 жылға соттады.
Сондай-ақ биыл тамызда Қайрат Сатыбалдының бұрынғы әйелі Гүлмира Сатыбалдыға сот үкімі шығып, 12 жылға бас бостандығынан айырылған болатын.
Фото: orda.kz
