«Қыз зорламақ болған»: Халықаралық іздеу жарияланған қазақстандық Грузиядан экстрадицияланды
Жәбірленуші белсенді қарсылық көрсетіп, қылмыскердің қолынан қашып құтылған.
Халықаралық іздеу жарияланған қазақстандық Грузиядан елге жеткізілді, деп хабарлайды Malim.kz.
Бас прокуратураның мәліметінше, 2020 жылы ер адам Шымкент қаласында күш қолдану арқылы бойжеткенді зорламақ болған. Жәбірленуші белсенді қарсылық көрсетіп, қылмыскердің қолынан қашып құтылған.
Сот азаматты кінәлі деп таныған, алайда сотталған үкімді жариялауына қатыспай, жасырынып, тағайындалған жазаны өтеуден жалтарған, – делінген ақпаратта.
Соған байланысты халықаралық іздеу жарияланды.
2023 жылдың қазанында сотталушы Грузия аумағында ұсталды. Бас прокуратура сұрауы бойынша Грузия тарапы оны экстрадициялау туралы шешім қабылдады.
Қазір ер адам Астана қаласының тергеу изоляторына қамалды.
Фото: видеодан скрин
