"Назарбаев Зияткерлік мектептерінде (НЗМ) емтихан материалдары сатылады және алдын ала таратылады". Басқарма төрағасы Әнуар Жанғозин қорытынды туралы ақпарат пайда болғаннан кейін жүргізілген қызметтік тексеріс нәтижесін жариялады, деп хабарлайды Malim.kz.
Жүргізілген қызметтік тексеріс шаралары оқушыларымыздың бірінің тапсырмаларды өз бетінше әзірлегені, ал басқа оқушылар оны нақты емтихан материалдары ретінде таратқаны белгілі болды. Бұл біздің мектептердің академиялық адалдығы мен ішкі ережелерін қатаң бұзу болып саналады, - деп түсіндірді Әнуар Жанғозин.
Ол осындай келеңсіздікті туындатқан оқушыларға емтиханды қайта тапсыру құқығынсыз емтихан нәтижелерін жою туралы шешім қабылданғанын атап өтті.
Бұл оқушылар қорытынды емтихандар аясында ҰБТ сертификатын алу мүмкіндігінен айырылады. Материалдарды таратуға қатысқан қалған оқушыларға да тәртіптік жаза қолданылды, - деді басқарма төрағасы.
Фото: Әнуар Жанғозин жеке парақшасы
