Түнде ҚБТУ-дан өрт шықты
Ведомство ғимараттың жоғарысында тұрған Мемлекеттік туға зақым келмегенін алға тартты, құтқарушылар оны алып үлгерген.
Бүгін түнде Алматыда Қазақстан-Британ техникалық университетінің ғимаратынан өрт шықты, деп хабарлайды Malim.kz.
2025 жылдың 11 қаңтарында Алматы қаласы ТЖД қызметкерлері өрттің жоғары 3-ші дәрежесі бойынша Қазақ-британ техникалық университетінде жұмыс істеп жатыр. Өрт сөндіру жұмыстарына объектінің құрылымдық ерекшелігі қиындық тудыруда, нысан 5 қабатты. Қазіргі уақытта 3 автобаспалдақ қолданылды, от әлі оқшауланған жоқ, деді Алматы қаласы ТЖД бастығының орынбасары Бағдат Шайзада.
Бірден оқиға орнында жедел штаб құрылды. ТЖМ командалық орталығы өртті сөндіру үшін қызметкерлер мен техниканы көбейтуді тапсырды. Өртті сөндіруге Алматы ТЖД 78 құтқарушысы мен 28 техникасы жұмылдырылды. Сөйтіп, өрт оқшауланды.
Сөндіру жұмыстары төрт жауынгерлік учаскеде жүргізілді. Процесс ғимарат құрылысының ерекшеліктерімен, жоғары өрт жүктемесімен және қатты түтінмен қиындады, делінген мәліметте.
Ведомство ғимараттың жоғарысында тұрған Мемлекеттік туға зақым келмегенін алға тартты, құтқарушылар оны алып үлгерген.
Айта кетейік, ҚБТУ ғимараты — Алматы қаласындағы Астана алаңында орналасқан ғимарат. 1957 жылы салынған қаладағы тарихи және көрнекті ғимараттардың бірі.
Фото: ТЖМ
Байланысты жаналықтар
MalimBlocks
