Еркін күрестен Лондон Олимпиадасының қола жүлдегері Ақжүрек Таңатаров себепсіз қызметтен босатылуына байланысты президент Қ.Тоқаевқа үндеу жолдап, көмек сұрады. Ол облыстық олимпиадалық резервтің облыстық мамандандырылған мектеп-интернат-колледжі директоры лауазымынан еш себепсіз шеттетілгенін мәлімдеді.
Таңатаров мәселенің мәнісін облыстық дене шынықтыру және спорт басқармасы басшысы Арман Ташметовтен сұрағанымен, ол бұл бұйрықтың Жамбыл облысының әкімі Нұржан Нұржігітовтен келгенін айтқан. Осы ретте Ақжүрек Таңатаров Тоқаевтан көмек сұрай отырып, өңірдегі спорт саласындағы жемқорлық жайлаған бармақ басты, көз қысты әрекетінен тазалауға пәрмен беруді сұрап отыр.
