АЭС бойынша референдумға қанша қаржы жұмсалады?
Бұл сома 63 елде орналасқан және ашылған 78 шетелдік сайлау учаскелерінде референдум ұйымдастыруды және өткізуді қамтиды
Орталық сайлау комиссиясының мүшесі Сәбила Мұстафина АЭС салу бойынша республикалық референдум өткізуге жұмсалатын шығыстардың алдын ала сомасын айтты.
Сәбила Мұстафина Конституциялық заңның 28-бабына сәйкес ОСК шығындардың шамамен сметасын әзірлеп, Үкіметке қарауға ұсынатынын атап өтті.
«Бүгін таңертең жарлық шыққаннан кейін ол орындалды. Мемлекет басшысы референдум өткізудің болжамды мерзімдерін бірнеше рет атап өткендіктен, біз алдын ала дайындалып, шығындардың жалпы сомасын есептедік, ол біздің болжамды сметамызға сәйкес 15,5 млрд теңгені құрайды», - деп толықтырды ол.
Оның деректері бойынша, бұл сома 63 елде орналасқан және ашылған 78 шетелдік сайлау учаскелерінде республикалық референдум ұйымдастыруды және өткізуді қамтиды.
«Бұл сметада жалпы соманың 71% – ы барлық органдардың комиссия мүшелерінің еңбегіне ақы төлеуді құрайды — олар 70 мыңнан астам. Қалған 29% – ы басқа да ұйымдастырушылық шығыстарға – ақпараттық сүйемелдеуге, бюллетеньдер, типографиялық өнімдер, кеңсе тауарлары және учаскелік сайлау комиссияларының жұмысын ұйымдастыру үшін қажет нәрсенің бәріне бағытталған», - деді ол.
Журналистердің сұрақтарына жауап бере отырып, ол 15,5 млрд теңге – шамамен алынған сома екенін атап өтті.
«Біз Қаржы министрлігінен, Ұлттық экономика министрлігінен және Әділет министрлігінен өтуіміз керек. Осыдан кейін ғана үкімет біздің барлық дәлелдерімізге, негіздемелерімізге, бүгінгі күні елде бар баға ұсыныстары бойынша қоса берілген барлық құжаттарға байланысты шешім қабылдайды», - деді Сәбила Мұстафина.
Фото: baigenews.kz
