Астанада ұшақ бөлшегінің жоқтығынан жүздеген турист сапарынан кешікті

Керекті бөлшекті Вьетнамнан алдырып жатыр

Мәди Саматұлы

  • 27.07.2024

Астана әуежайында туристік бағыттағы ұшақта ақау шығып, оған қажет бөлшек табылмай, жүздеген турист сапарынан кешігіп жатыр, деп хабарлайды Malim.kz.

Әуежай таратқан мәліметке қарағанда, «Vietjet» әуе компаниясының Астана-Камрань бағыты бойынша VJ 068 рейсі кесте бойынша 25 шілдеде сағат 20:25-те ұшуға тиіс болатын. Ұшуға дайындық кезінде дереу жөндеуді қажет ететін техникалық ақау табылған.

Ұшақ Астанаға жарамды күйде келгенімен, ұшуға дайындық кезінде олқылық пайда болды. Әуежай барлық қажетті техниканы ұсынып, инженерлік құрам әуе кемесіне техникалық қызмет көрсетті. Алайда, Вьетнамнан жеткізілетін қажетті қосалқы бөлшектің болмауына байланысты әуе компаниясы рейстің кешігуі туралы хабарлауға мәжбүр болды, деп жазды әуежай.

Уақыттың созылып кетуіне бір себеп, әуежай кесте бойынша 22:00-де жабылған, сондықтан 25 шілдеде жұмыс аяқталмай қалған. Бір бөлшектің керек екені тек 26 шілдеде белгілі болған. Әуелде рейс 26 шілдеде түскі уақытқа жоспарланған. Алайда жеткізілетін бөлшектің кешігуіне байланысты рейс 27 шілде кешке ауыстырылған.

Рейстің кешіктірілгені туралы хабарландырудан кейін бірден жолаушыларға қонақүйлерде орналастырылған.

Сондай-ақ, заңға сәйкес күніне үш рет тамақтану ұйымдастырылды. Көпшілігі қала тұрғыны болғанына қарамастан 300-ге жуық жолаушы қонақүйлерге орналастырылды. Туристерді ешкім қонақүйлерден шығарып тастамады және олар 27 шілдеге дейін ұшуын күтіп, сол жерде ас-сумен қамтаылып қала береді, деп жазылған әуежай мәлімдемесінде.

Өтемақы мәселелері заңға сәйкес қаралмақ. Әуе компаниясы осы рейсте болған туристердің туристік агенттіктері арқылы берген өтініштерін жинайды.

Фото: Astana Airport

Байланысты жаналықтар

Астана-Алматы бағытындағы пойыз енді Шу станциясына тоқтамайды

01.04.2025

Таиландта Қазақстан азаматтары мінген катерде жарылыс болды

01.04.2025

Дариға Назарбаева Астанадан Дубайға немерелерімен ұшып кетті - журналист

01.04.2025

Назарбаевтың суреттері Астанадағы алаңнан алып тасталған. Әкімдік не дейді?

01.04.2025

Шығыс Қазақстанда екі әуежайдың құрылысы басталды

28.03.2025

Алматы маңында апатқа ұшыраған ұшақ сынығы аукционда сатылды

27.03.2025
MalimBlocks
Астана-Алматы бағытындағы пойыз енді Шу станциясына тоқтамайды

Таиландта Қазақстан азаматтары мінген катерде жарылыс болды

Су көлігінде 31 турист болған.

Дариға Назарбаева Астанадан Дубайға немерелерімен ұшып кетті - журналист

Назарбаевтың суреттері Астанадағы алаңнан алып тасталған. Әкімдік не дейді?

Астанада әкімдік аумағындағы алаңнан Нұрсұлтан Назарбаевтың суреттері бар стендтер алып тасталған

Шығыс Қазақстанда екі әуежайдың құрылысы басталды

Алматы маңында апатқа ұшыраған ұшақ сынығы аукционда сатылды

АН-26 техникалық ұшағының сынығы аукционда сатылды