Атырау облысында мұнай компаниясына 13 млрд теңгеден астам айыппұл салынды
«Каспий нефть» АҚ-ның 2021-2022 жылдары бұрғылау және кен орнын пайдалану қызметінде құралған 4500 тоннадан астам қауіпті қалдықтарға жинақталу лимитін алмағаны анықталды.
Бас прокуратура Атырау облысындағы «Каспий нефть» АҚ-ға 13 млрд теңгеден астам айыппұл салынғанын мәлімдеді, деп хабарлайды Malim.kz.
Атырау облысының прокуратурасы табиғатты қорғау саласының басым бағыты саналатын қауіпті қалдықтар айналымына тұрақты қадағалауды жүзеге асырады.
«Каспий нефть» АҚ-ның 2021-2022 жылдары бұрғылау және кен орнын пайдалану қызметінде құралған 4500 тоннадан астам қауіпті қалдықтарға жинақталу лимитін алмағаны анықталды.
Прокурордың ұсынысын қарау нәтижесі бойынша Атырау облыстық сотының сот алқасының 02.07.2024 жылғы қаулысымен «Каспий нефть» АҚ Әкімшілік құқық бұзушылық туралы кодекстің 328-бабымен әкімшілік жауапкершілікке тартылып, 13 684 868 730 теңге айыппұл салынды, – делінген хабарламада.
Прокуратураның принципті ұстанымы нәтижесінде әкімшілік айыппұл бюджетке өндіріліп, мемлекеттің Ұлттық қоры 13 684 868 730 теңгеге толықтырылды.
Фото: "Каспий нефть" АҚ
Байланысты жаналықтар
MalimBlocks
