Балқашта таң алдында екіқабатты 8 пәтерлі тұрғын үй отқа оранды, деп хабарлайды Malim.kz.
Жергілікті төтенше жағдай департаменті өкілдерінің мәлімдеуінше, таң алдында, сағат 03:37-де үй өртеніп жатқаны туралы хабар түскен. Өрт сөндірушілер оқиға орнына жеткенде өрт аумағы 700 шаршы метрге жеткен.
Алдымен үй тұрғындары алдын ала эвакуацияланған. Қызыл жалынды сөндіруге жеке құрамның 27 қызметкері жұмылдырылып, 6 автоцистерна мен 1 автосаты қолданылған. Тілсіз жау толығымен өшірілген. Ешкім зардап шекпеген.
Фото: ТЖМ
