Бішкекте 12 жылдан бері алғаш рет сібір жарасы тіркелді
Ауыл тұрғыны сиыр сойып, етін көршілеріне таратқан
Бішкектегі Мемлекеттік санитарлық эпидемиялогиялық бақылау орталығының бас дәрігері Кубан Кундашев 9 мамырда Қырғызстан өңірлерінің бірінде сібір жарасы тіркелгенін мәлімдеді, деп хабарлайды Malim.kz.
АКИpress басылымының хабарлауынша, тергеу барысында 27 сәуірде ауыл тұрғындарының бірі мал дәрігерінің тексеруінсіз сиыр сойып, оның етін көршілеріне таратқаны анықталды.
Осы етті жеген бірнеше тұрғыннан сібір жарасының белгілері байқалған.
Қазіргі таңда науқастардың бірі Бішкектегі стационарда ем қабылдап жатыр.
Бас дәрігердің айтуынша, Бішкекте сібір жарасын жұқтыру дерегі соңғы рет 2012 жылы тіркелген, содан бері мұндай жағдай болмаған.
Биылғы ақпан айында Жетісу облысында сібір жарасы ошақтарының 33 көмілген жері қараусыз қалғаны анықталды.
Фото: АКИpress
