Кенесары ханның өлімі үшін кешірім сұраған әнші 10 жылға сотталуы мүмкін
Өнер иесіне ауыр айып тағылып отыр.
Қырғызстандық әнші Қайрат Примбердиев Кенесары хан туралы айтқан сөздерінен кейін он жылға дейін бас бостандығынан айырылуы мүмкін, деп хабарлайды Malim.kz.
Қырғыз Республикасының Мемлекеттік ұлттық қауіпсіздік комитеті өнер иесіне «нәсілшілдік, этникалық, ұлтаралық және діни араздық қоздыру» бабы бойынша айып тағылғанын алға тартты.
МҰҚК мәліметінше, мұндай қылмыс үшін он жылға дейін бас бостандығынан айыру қарастырылған.
Еске сала кетейік, Қайрат Примбердиев «Airan» YouTube-арнасына берген сұхбатында Кенесары ханның басын алу оқиғасын қозғап, осы жағдай үшін қазақ халқынан өз атынан кешірім сұраған.
Қырғыз Республикасының мәдениет министрінің орынбасар Марат Тағаев әншіні сынға алды. Ол «мұндай құбылыс пен көршілес елдерден келген пропаганда жастар мен мәдениет қайраткерлеріне әсер етеді» деп мәлімдеді.
Фото: instagram.com/kairat_primberdiev_official
