«Мен шалқаймағанда кім шалқаяды». Мәжіліс депутатына жерлестері көлік мінгізді
Ринат Зайытов үстіндегі костюмін шешіп, жанкүйерлеріне сыйға тартты
![](/images/article-img/1600/23434-1721631141-m.png)
Абай облысы Ақсуат ауданында өткен «Асыл бесік - Ақсуат» фестивалі кезінде айтыскер ақын, Мәжіліс депутаты Ринат Зайытовқа көлік мінгізді, деп хабарлайды Malim.kz.
Жергілікті кәсіпкерлер осы өңірден шыққан атақты ақын әрі депутатқа көлік кілтін табыс етті.
Елден тауып жатса егер, ер несібін,
Мәрт жігіттің болады теңдесі кім?
Мен бүгін бәйге алам деп келген жоқ ем,
Құлақкесті құдайдың пендесімін.
Бірақ қалай алсам да,
Семей мен Ақсуат, Аягөздің кенжесімін.
Тілеп жүрген баланың біреуі едім,
Кең болуын қазақтың көрпесінің.
Басқа жерде кім болсам, Құдай білер,
Әйтеуір, осы ауылдың еркесімін.
Мен шалқаймағанда кім шалқаяды. Барлықтарыңызға рахмет!», - деді Ринат Зайытов.
Осыдан кейін қуанышы қойнына сыймаған ақын, депутат Ринат Зайытов үстіндегі костюмін шешіп, жанкүйерлеріне сыйға тартты.
Айта кетейік, фестиваль аясында қазақ күресінен ASSYL ARLAN атты турнирде Абай облысының тумасы Ерасыл Қажыбаев атанды. Финалда ол жерлесі Даурен Нұралиновтан жанбас әдісімен ұтып басым түсті. Жүлделі үшінші орынды Түркістан облысынан келген Қайсар Шамшадинов пен Маңғыстаулық Нұрдәулет Жарылғапов иеленді.
MalimBlocks
Шөмішбай Сариевтің өлеңдері
Шөмішбай Нағашыбайұлы Сариев 1946 жылы 15 сәуірде Қызылорда облысында туған. 2021 жылы 15 ақпанда қайтыс болды. Ақын, аудармашы, Қазақстанның Еңбек сіңірген қайраткері, «Барыс», «Парасат» ордендерімен наградатталған. «Тарлан» сыйлығының иегері. Елге танымал көптеген әр сөздерінің авторы.
Әбу Сәрсенбаев өлеңдері
Әбу Сәрсенбаев 1905 жылы 15 қазанда Атырау облысы Құрманғазы ауданы Ботақан ауылында дүниеге келген. 1995 жылы 25 қарашада Алматы қаласында қайтыс болды. Ақын, жазушы, драматург. Қазақстанның Халық жазушысы, «Парасат» орденінің иегері. Ұлы отан соғысының ардагері. Көптеген жыр жинақтарының авторы.