Қазақстанда утиль алымы жойылмайды. Министр Шарлапаев мәлімдеме жасады
Петиция 50 000 қол жинап, Үкіметтің қарауына жіберілген болатын
24 мамырда E-Petition.kz порталында жарияланған утиль алымына қатысты петиция 50 000 қол жинап, Үкіметтің қарауына жіберілген болатын.
«Өнеркәсіп және құрылыс министрлігі, басқа да мемлекеттік органдар мен қоғам белсенділері арнайы жұмыс тобын құрып, утиль алымы мен алғашқы тіркеуге қатысты петицияны қарастырды.
Петицияны қарау барысында барлық заңнамалық талаптар сақталды.
Ашық қоғамдық талқылау нәтижесінде петиция талаптарын қанағаттандырудан бас тарту туралы шешім қабылданды», - делінген Өнеркәсіп және құрылыс министрі Қанат Шарлапаевтың мәлімдемесінде.
Фото: Өнеркәсіп және құрылыс министрлігі
