8 сәуір күні сағат 10:00-ден 18:00-ге дейін Меңдіқара ауданының Боровское ауылында «Меңдіқара-Антитеррор-2025» атты жедел-тактикалық оқу-жаттығу өткізіледі. Бұл туралы ҚР антитеррористік орталығының баспасөз қызметі хабарлады.
«2025 жылғы 8 сәуірде сағат 10:00-ден 18:00-ге дейін Меңдіқара аудандық терроризмге қарсы жедел штабының ұйымдастыруымен Боровское ауылы аумағында жедел-тактикалық антитеррористік оқу-жаттығу өтеді», – делінген ресми хабарламада.
Тұрғындардан сабыр сақтауды, тек ресми ақпарат көздеріне сенуді және мемлекеттік орган қызметкерлерінің әрекеттеріне түсіністікпен қарауды сұрайды.
Фото: Gov.kz
