ҰҚК: Кәрім Мәсімов кешірім сұрап, өтініш жасады
ҰҚК мәліметінше, өтініш 2024 жылдың наурыз айында жасалған.
![](/images/article-img/1600/22664-1718694499-m.webp)
Ұлттық қауіпсіздік комитеті Кәрім Мәсімовтің кешірім жасау туралы өтініш білдіргенін растады, деп хабарлайды Malim.kz Zakon.kz сайтына сілтеме жасап.
ҰҚК мәліметінше, өтініш 2024 жылдың наурыз айында жасалған.
Біз К.Мәсімовтің 2024 жылдың наурыз айында кешірім жасау туралы өтініш жасағанын растаймыз, - деп хабарлады ҰҚК.
Сондай-ақ Ұлттық қауіпсіздік комитеті мемлекетке опасыздық жасады деп сотталған Мәсімовке қатысты 218-бап (Ірі мөлшерде қылмыстық жолмен алынған ақшаны және/немесе өзге де мүлікті заңдастыру/жылыстату) және 366-бап (Пара алу) бойынша тергеу жүріп жатқанын хабарлады.
Қазір ҰҚК-нің экс-басшысы Астанадағы ҰҚК-нің тергеу изоляторында отыр.
24 сәуірде сот Кәрім Мәсімовке үкім шығарды. Оның мүлкі тәркіленіп, мемлекеттік қызметтегі лауазымға тағайындалу құқығынан өмір бойына айырылып, 18 жылға сотталды.
Қазақстан Республикасы Ұлттық қауіпсіздік комитетінің бұрынғы басшысы мемлекетке опасыздық жасады, билікті күшпен басып алды және билікті асыра пайдаланды деген айыптар тағылған еді.
2023 жылғы 16 маусымда апелляциялық сатыдағы сот бірінші сатыдағы соттың жазаны өтейтін мекеме түріне қатысты үкімін қатаң режимдегі мекемеден қауіпсіздігі орташа мекемеге ауыстырды.
Айта кетейік, Ұлттық қауіпсіздік комитеті 2022 жылғы 6 қаңтарда жаппай тәртіпсіздіктерден кейін мемлекетке опасыздық жасау фактісі бойынша сотқа дейінгі тергеуді бастаған болатын. Тергеу аясында Кәрім Мәсімов пен басқа да адамдар ұсталды.
Фото: Gov.kz
MalimBlocks
![](/images/article-img/600/24541-1725541172.jpg)