Асқар Садықовтың депутаттық креслосына Перуашевтың орынбасары жайғаспақ
«Ақ жол» партиясының бұрынғы мәжілісшісі мандатынан айрылған болатын
Серік Ерубаев «Ақ жол» партиясының партиялық тізімі бойынша Мәжіліске кіреді. Ол - партия төрағасының аймақтармен жұмыс жөніндегі орынбасары.
Ерубаевтың Парламенттің төменгі палатасында жұмыс тәжірибесі бар. Ол жетінші шақырылымның депутаты болған, экология және табиғатты пайдалану мәселелерімен айналысқан.
Естеріңізге сала кетейік, осы партияның бұрынғы мүшесі Асқар Садықовты мемлекеттік сатып алу бойынша алаяқтыққа қатысы бар және жыныстық бопса жасады деп айыптап, мандатынан айырған болатын.
Ал Садықов осындай мәлімдемелер арқылы Перуашев жұрттың назарын өзінің орынбасарларының бірінің қатысы бар сыбайлас жемқорлық жанжалынан аударып әкетуге тырысып жүр деген пікірде. Бұл жерде ол партия төрағасының орынбасары Дмитрий Васильев туралы айтып отыр. Әлеуметтік желіде партия төрағасының орынбасары, кәсіпкер Дмитрий Васильев пен генерал-майор Константин Воронкиннің ұсталғаны туралы ақпарат тараған. Жұртшылық Дмитрий Васильев Ұлттық гвардияның генералына пара берген деген бейресми ақпаратты талқылап жатты.
- Азат Перуашев өзінің орынбасарының Ұлттық гвардияның генералына пара бергені туралы ақпаратты жасырып қалғысы келіп, ақпарат ауанын маған бұруға тырысқан сияқты, - деді Садықов.
Фото: prokadrykz
Байланысты жаналықтар
MalimBlocks
