Қаржы министрінің бұрынғы орынбасары Ербол Қарашөкеев ауыл шаруашылығы вице-министрі және ауыл шаруашылығы министрі міндетін уақытша атқарушы болып тағайындалды.
"Үкімет қаулысымен Ербол Шырақпайүлы Қарашөкеев ауыл шаруашылығы вице-министрі - министрдің міндетін атқарушы лауазымына тағайындалды. Ол "ҚазАгро" холдингінің басқарма төрағасы лауазымында, сондай-ақ президент әкімшілігінде, қаржы және ауыл шаруашылығы министрлігінде түрлі қызмет атқарды", - делінген үкімет сайтында.
Үкімет жетекшісі Асқар Мәмин оны ауыл шаруашылығы министрлігі ұжымына таныстырды.
44 жастағы Қарашөкеев сәуір айында қаржы министрінің орынбасары қызметіне тағайындалған болатын.
Бүгін үкіметтің кеңейтілген отырысында президент Қасым-Жомарт Тоқаев ауыл шаруашылығы министрі Сапархан Омаровты Маңғыстау мен Қызылордадағы қуаңшылықтан малдың жаппай қырылғаны үшін сынап, оның отставкаға кетуі керектігін мәлімдеген.
Көп ұзамай президент жарлығымен Сапархан Омаров ауыл шаруашылығы министрі қызметінен босатылды.
Оқи отырыңыздар: Тоқаев: Ауыл шаруашылығы министрі отставкаға кетуі керек
Тоқаев ауыл шаруашылығы министрін қызметінен босатты
Фото: primeminister.kz
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
