Бір топ әнші-әртіс Тоқаевтан Боранбаев ісіне жеңілдік сұрады

1 сәуір күні Қазақстан Ұлттық Паралимпиада комитеті мен алматылық Қайрат футбол клубының ұжымы Қасым-Жомарт Тоқаевқа хат жазып, экс-президент Назарбаевтың бұрынғы құдасы, миллиардер Қайрат Боранбаевтың тергеу ісін ашық әрі әділ өткізуді сұрағаны жайлы ақпарат шыққан болатын.

Бұл жолы Роза Рымбаева, Нұрлан Албан, Нұрлан Абдуллин, Мақпал Исабекова, Мөлдір Әуелбекова, және әзілкеш Нұрлан Қоянбаев бастаған бір топ әнші-әртіс қамауда отырған Қайрат Боранбаевқа араша сұрап президент Тоқаевқа тағы да ашық хат жолдады.

Хатта Қайрат Боранбаев жайында «керек кезінде қаржылай көмек көрсетіп тұрған қамқоршы-меценат еді» деп жазылған. Сондай-ақ қамауда отырған Боранбаев ісіне байланысты Тоқаевқа тергеу ісі жеңіл болса, қамқорлық қылсаңыз деген тілектерін де ашық білдірген. Ашық хатқа 70-тен аса адам қол қойыпты. 

Бақыт БЕКОВ