Елордалық соттың баспасөз қызметі 8 маусымда Нұр-Сұлтан қаласының мамандандырылған ауданаралық тергеу соты Боранбаевтың қамаудағы мерзімін 1 айға созғанын мәлімдеді.
Мамандандырылған ауданаралық тергеу соты Қайрат Сатыбалдыұлын да қамауға алу мерзімін бір айға ұзартты, ал одан бір күн бұрын, Сатыбалдының бұрынғы әйелі Гүлмира Сатыбалдыны қамақ уақыты созылған-ды.
Еске салайық, 13 наурызда Сыбайлас жемқорлыққа қарсы қызмет «Қазақтелеком»-ның лауазымдық өкілеттіктерін асыра пайдалану және қаражатын аса ірі мөлшерде ұрлау дерегі бойынша қылмыстық істі тергеп жатқанын хабарлаған болатын. Бұл қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалған.
Сондай-ақ, қазақстандық кәсіпкер Қайрат Боранбаевтың қамалғаны хабарланған еді. 17 наурызда Нұр-Сұлтан қаласының мамандандырылған ауданаралық тергеу соты күдікті Қайрат Боранбаевқа қатысты екі ай мерзімге қамауға алу түріндегі бұлтартпау шарасын санкциялады.
Мамырдың басында Forbes тізімінің алдын бермей тұрған қос Қайрат Қазақстанның ең бай кәсіпкерлері санатынан шығып қалды.
Байланысты жаналықтар
MalimBlocks
