Грузияға туған күнін тойлауға барған ресейлік журналист Владимир Познерді белсенділер жұмыртқамен атқылап, елден қуып жіберді.
Жергілікті БАҚ өкілдерінің мәліметінше, Владимир Познер Грузия астанасы Тблисиге туған күнін тойлауға келген. Бірақ ол тоқтаған қонақ үйге бір топ белсенді келіп, ғимараттың жарығын сөндіріп, журналистің туған күн тойы коронавирус індетінде байланысты елде жарияланған коменданттық сағат ережелерін бұзғанын айтқан. Осыдан кейін қонақ үй ресторанына 10 мың лари айыппұл салынып, той тоқтатылған.
Наразылардың қарсылығы бұнымен тоқтамаған. Олар Познер тоқтаған қонақүйді жұмыртқамен атқылап, журналистің елден кетуін талап еткен.
Познердің Грузияға келуіне қарсы наразылық акциясын «Уақыт келді» саяси қозғалысының жетекшісі Элене Хоштария ұйымдастырған. Саясаткер өзінің бұл бастамасын «Владимир Познердің Абхазияға қатысты айтқан пікірі арқылы Грузияның территориялық тұтастығына нұқсан келтірді» деп түсіндірген.
Владимир Познер Тблисиге келген күні әуежайда журналистерге: "Мен үшінші жыл қатарынан туған күнімді Тблисиде атап өтудемін. Мен саясат айту үшін емес, туған күнімді тойлау үшін келдім", - деген.
Бұған дейін журналист «Абхазия ешуақытта Грузияның бір бөлігі болмайды» деп мәлімдеген. Владимир Познер наразылық акциясынан кейін Грузиядан кетуге мәжбүр болған.
Байланысты жаналықтар
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
