Мамин 15 млн шаршы метр тұрғын үйдің салынуын қадағалайды

Malim Админ

  • 07.04.2020

Премьер-Министр Асқар Мамин Үкіметтің селекторлық отырысында «Нұрлы жер» мемлекеттік бағдарламасының іске асырылу барысын талқылап, қандай жағдай болса да жоспарды орындауды тапсырды.

ҚР индустрия және инфрақұрылымдық даму бірінші вице-министрі Қайырбек Өскенбаев, Нұр-Сұлтан қаласының әкімі Алтай Көлгінов, Шымкент қаласының әкімі Мұрат Әйтенов және Батыс Қазақстан облысының әкімі Ғали Есқалиев, сондай-ақ Премьер-Министрдің орынбасары Роман Скляр баяндама жасады.

Осы жылы «Нұрлы жер» бағдарламасы аясында 15 млн шаршы метр тұрғын үй салу жоспарланған. Халықтың әлеуметтік жағынан осал топтары, аз қамтылғандар мен жастар, бюджеттік ұйымдардың қызметкерлері қатарынан 32 мыңнан аса отбасы жалға берілетін және кредиттік пәтерлермен қамтамасыз етіледі.

«Қарапайым заттар экономикасы» жеңілдікті несиелеу бағдарламасы аясында қазіргі кезде отандық құрылыс индустриясы бойынша 178 млрд теңгені құрайтын 33 жоба іске асырылып жатыр (шыны, арматура, санфаянс, керамика тақташалары, лак бояуларын шығару). Оларды іске қосу тұрғын үй құрылысында  қазақстандық үлесті 95%-ға арттыруға және 8 мыңдай жаңа жұмыс орнын құруға мүмкіндік береді.

«Қазіргі жағдайдағы  Үкіметтің ең маңызды міндеті – құрылыс қарқынын ұлғайту, халықты тұрғын үймен қамту, жұмыс орындарын сақтау және жаңа жұмыс орындарын құру.  Бүгінде құрылыс саласында шамамен 700 мың адам жұмыс істейді», — деп А. Мамин, құрылыс саласының экономиканың негізгі драйверлерінің бірі екенін атап өтті.

Премьер-Министр құрылыс маусымын уақытында бастауды, жоспарланған тұрғын үй көлемін беруді және бөлінген қаражаттың толық игерілуін қамтамасыз етуді тапсырды.

Үкімет басшысы әкімдерге құрылыстың жедел қарқынын қамтамасыз етуді, қаржыландыру жоспарларын түзетуді және бұған дейін мәлімделген мерзімдерді қайта қарауды, сондай-ақ құрылыстың мәлімделген көлемі бойынша барлық жобалық құжаттаманы әзірлеуді аяқтауды тапсырды.

А. Мамин Индустрия және инфрақұрылымдық даму министрлігіне «Атамекен» ҰКП-мен бірлесіп «Қарапайым заттар экономикасы» бағдарламасы аясында жүзеге асырылып жатқан құрылыс индустриясы жобаларының уақытылы енгізілуін қамтамасыз етуді және отандық жаңа өндірістерді құру жұмысын жандандыруды тапсырды.

Байланысты жаналықтар

Алматыда тұрғын үйдің шаршы метрінің орташа бағасы 720 мың теңгеден асты

31.01.2024

Қазақстанда «Шешім журналистикасы лабораториясы» жобасы басталды

28.10.2023

Алматы. "Қуатты өңірлер" бірнеше бағытта дамиды

21.09.2022

Сыбайлас жемқорлыққа қарсы агенттік: «Маминге қылмыстық іс қозғалмайды»

13.05.2022

Тарысы піскеннің тауығы: Боранбаев «асыраған» әртістер

09.04.2022

Дәулетжан МАХМҰТ. Сырға

16.06.2021
MalimBlocks
Алматыда тұрғын үйдің шаршы метрінің орташа бағасы 720 мың теңгеден асты

Алматы қаласының тұрғын үй нарығы елдегі бәсеке қызып тұрған нарық. Krisha.kz деректері бойынша оңтүстік астанадағы үйлер басқа өңірлермен салыстырғанда қымбаттырақ.

Қазақстанда «Шешім журналистикасы лабораториясы» жобасы басталды

«Әділ сөз» сөз бостандығын қорғау халықаралық қоғамдық қоры Ұлыбритания үкіметінің қаржылай қолдауымен «Шешім журналистикасы лабораториясы» жобасы жүзеге аса бастады.

Алматы. "Қуатты өңірлер" бірнеше бағытта дамиды

Сыбайлас жемқорлыққа қарсы агенттік: «Маминге қылмыстық іс қозғалмайды»

Мамин Үкіметті басқарған жылдары халықтың көңілін көншітерлік жұмыс атқарған жоқ.

Тарысы піскеннің тауығы: Боранбаев «асыраған» әртістер

Олар Қайратты «Құдай берген таланттың ұшқынын көруші» дейді.

Дәулетжан МАХМҰТ. Сырға

Кинозалдың есігін ептеп ашып ішке кірдім, сабақ басталып кетіпті.