Минск Лукашенконың соғыс басталған алғашқы күндерде Зеленскийден кешірім сұрағанын жоққа шығарды. Бұл жөнінде Беларусь президентінің баспасөз хатшысы Наталья Эйсмонт арнайы жариялады. Ол Лукашенко ешқанадй кешірім сұраған жоқ дейді. Бұл жөнінде ВВС жазды.
Беларусь президенті Зеленскийден ешқандай кешірім сұраған жоқ, өйткені кешірім сұрайтындай ешнәрсе жоқ, деді Эйсмонт.
Лукашенканың баспасөз хатшысының айтуынша, Лукашенко мен Зеленский арасындағы телефон әңгімесі «Беларусь президентінің кіші ұлы Николайдың эмоциялық реакциясы себебінен болған, Николайдың телефонында Зеленскийдің жеке байланыс нөмірі болды.
Әңгіме не туралы болды: біздің президентіміз ең алдымен соғыс Украина территориясында, Зеленскийдің территориясында басталғанын айтты, және уақыт өте келе ол адамдардың өлімі үшін бәрінен көп жауап беретін болады! Сол себепті біздің президентіміз келіссөздер үстеліне отыруға шақырды, бұл кейіннен жүзеге асты: Беларусьте 3 раунд келіссөз жүрді және кейін Стамбулда жалғасты, деп РБК Наталья Эйсмонттың сөзін келтіреді.
Украина президенті Владимир Зеленский Лукашенкомен арадағы әңгіме туралы америкалық блогер және подкастер Лекс Фридманға берген арнайы сұхбатында айтты.
– Мен Лукашенкоға қоңырау шалдым, ол кешірім сұрап, «Бұл мен емес», деді, оның территориясынан атылған зымырандарды Путин басқарды деді, деп Зеленский соғыс басталған шақ туралы есіне алған болатын.
Фото: ТАСС
Байланысты жаналықтар
MalimBlocks
