Назарбаев Мәсімовтің артында кім тұрғанына жауап берді
Мәсімов менімен ұзақ уақыт бірге жұмыс істеді
Қазақстанның экс-президенті Нұрсұлтан Назарбаев Астанадағы сайлау участкесінде дауыс берді. Бұл туралы Оrda.kz жазды. Журналистер Назарбаевқа қамауда отырған ҰҚК-нің бұрынғы төрағасы Кәрім Мәсімов туралы сұрақ қойды. «Мәсімов қылмысқа кінәлі ме, оның артында кім тұр?» деген сауалға экс-президент жауап берді.
– Бұл да маған өте қызық. Мен де соттың аяқталғанын күтіп отырмын. Оның себебі, мен артында кім тұрғанын білгім келеді. Мәсімов менімен ұзақ уақыт бірге жұмыс істеді. Бірақ, қайдан білесің? Иса пайғамбардың өзі жанында отқан Иуданың сатқын екенін білді ме? Біз құдай емеспіз. Сондықтан, соттың аяқталғанын күтеміз. Барлығымыз бірге білеміз деп ойлаймыз, – деді Назарбаев.
Еске сала кетейік, Кәрім Мәсімовтің соты 18 қараша күні басталды.
