Қазақстанның экс-президенті, Қауіпсіздік кеңесінің төрағасы Нұрсұлтан Назарбаев Ресей саясаткерлерінің Солтүстік Қазақстанға қатысты даулы мәлімдемелеріне пікір білдірді.
"Бүгін кім не демейді? Саясаткерлер түрлі нәрсені айтады. Оның үстіне мұның бәрі шығыс Украина, Қырым контекстінде айтылып жатыр. Бердік, алдық, жерді сыйладық дегендей әңгімелер айтылды. Қайдағы жерді сыйлады? Біз Алтын орда мұрагерлері болсақ, Мәскеу князьдығы бізге алым-салық төлеген. Енді 800 жылдық тарихты еске түсіруіміз керек пе? Сондықтан мұндай мәлімдемелерге назар аудармау керек. Қазір интернет, сөз бостандығы бар. Ең бастысы, Ресей ресми билігінің түсіндірмесі", - деді Назарбаев "Штрихи к портрету" деректі фильмінде берген сұхбатында.
Былтыр желтоқсанда Ресей Федерациясы мемлекеттік думасының білім және ғылым комитетінің төрағасы Вячеслав Никоновтың "Қазақстан территориясы Ресей мен Совет одағының берген үлкен сыйлығы" деген мәлімдемесі Қазақстан қоғамында үлкен шу тудырды. Артынша думаның тағы бір депутаты Евгений Федоров бұл пікірді қолдап, "Ресей Қазақстаннан территорияны қайтаруды талап етуі керек" деді.
Мамыр айында Ресейдің сыртқы істер министрі Сергей Лавров Қазақстанға қарата даулы мәлімдемелер айтқан Ресей саясаткерлерін сынап, бұл Ресейдің ресми ұстанымы емес екенін айтқан. Ал осы аптада Қазақстанға сапармен келген Ресей Федерациясы кеңесінің басшысы Валентина Матиенко екі ел арасында қол қойылған 400-ден астам келісім мен құжатта бір-бірінің егемендігі, аумақтық тұтастығы, тәуеліздігі мен бір-бірінің ісіне араласпау анық жазылғанын жеткізді.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
