Астананың атауын «Нұрсұлтан» немесе «Назарбаев» деп өзгертуді армандаған Қуаныш Сұлтанов қызметінен кетті.
Маусымның 21-і күні Қуаныш Сұлтанов Ақпарат және қоғамдық даму қоғамдық кеңесі төрағалығынан кетті. Ол бұл қызметке 2019 жылдың мамыр айында тағайындалған. Оның орнына парламент мәжілісінің депутаты Дархан Мыңбаев келді.
Қуаныш Сұлтанов 1945 жылы Панфилов ауданының Көктал ауылында дүниеге келген. Ол әр жылдары аудандық газеттен бастап, парламент сенатының депутатына дейінгі аралықтағы қызметтерде болған.
Қуаныш Сұлтанов ел есінде лауазымды қызметтерде болуымен ғана емес, Астанаға экс-президент Нұрсұлтан Назарбаевтың атын беру бастамасын ұсынуымен де қалған. 2016 жылы Владислав Косарев, Азат Перуашев және дәл осы Қуаныш Сұлтанов бастаған бір топ депутат Тәуелсіздіктің 25 жылдығына орай арнайы деклорация әзірлеп, Астанаға Нұрсұлтан Назарбаевтың атын беруді ұсынған.
Сол уақытта Қуаныш Сұлтанов Астана атауын өзгерту бастамасын сынаушыларға ренжіп, елде саяси мәдениет жоқ екендігін айтқан.
«Саяси мәдениет болуы қажет. Бастаманы, ойды сынауға болады. Бірақ жеке басқа тіл тигізбеу керек. Келіспеуге болады, бірақ еш уақытта адамды білмей жатып сөз айтуға болмайды. Бұл бізде саяси мәдениет жоқ дегенді білдіреді», - деген Сұлтанов.
Байланысты жаналықтар
MalimBlocks
Елін сүйген қайраткер Нұртас Оңдасынов
Ол 1938 жылдан 1963 жылға дейін (25 жыл) – Қазақ КСР Жоғарғы Кеңесінің депутаты, ал 1940 жылдан 1958 жылға дейін (18 жыл) КСРО Жоғарғы Кеңесінің депутаты болды. 26 жыл (1938-1964) Қазақстан Компартиясы Орталық комитетінің және 14 жыл (1938-1951, 1954-1955) оның бюро мүшесі, Кеңес Одағы Компартиясының XVIII, XXII, XXIII съездері мен оның XVIII конференциясының делегаты, 13 жыл (1939-1952) СОКП Орталық Тексеру комиссиясының мүшесі болып сайланды.
