Назарбаевтың өзін «тыңдамаған» Тамара министр болды

Тамара шаршамапты! Тоқаевтың көмекшісі қайтадан министр болып тағайындалды.

  • 11.04.2022

Бүгін президент Қасым-Жомарт Тоқаев Еңбек және халықты әлеуметтік қорғау министрін тағайындады. Бұл орын Серік Шәпкенов Атырау облысына әкім болып кеткелі бос тұрған. Ақордада шыққан бұйрыққа орай бүгіннен бастап: «Тамара Босымбекқызы Дүйсенова Қазақстан Республикасының Еңбек және халықты әлеуметтік қорғау министрі болып тағайындалсын, ол Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымынан босатылсын», – делінген.

Тамара Дүйсенова – көп жылдар бойы аталған министрлікте қызмет еткен. 2002-2008 жылдары вице-министрі, 2008-2002 жылдан бастап Еңбек және халықты әлеуметтік қорғау министрлігінің вице-министрі; Оңтүстік Қазақстан облысы әкімінің орынбасары; Еңбек және әлеуметтік қорғау министрлігінің жауапты хатшысы; Денсаулық сақтау жәні әлеуметтік қорғау министрі; Еңбек және әлеуметтік қорғау министрі, «Нұр Отан» партиясының хатшысы; Президенттің көмекшісі, т.б. қызметтер атқарған Дүйсенова экс-президент Нұрсұлтан Назарбаевтан кезінде медициналық сақтандыру бойынша «сөз» естіп, ол біраз әңгімеге арқау болған.

2018 жылы экс-президент Назарбаев: «Мен кем дегенде бес жыл уақыт бойы осы жайлы бірнеше рет айттым. Нақты тапсырмалар бердім. Алайда онымен ешкім айналысқан жоқ. Министр Дүйсеноваға бірнеше рет. Не болды, Тамара, әлде сен мына жұмыста шаршадың ба?» – деген болатын.

Бірақ, Дүйсенова басқа шенеуніктер сияқты бас шұлғи бермей, Назарбаевқа өздерінің көп жұмыс атқарғанын айтып, президентпен келіспейтінін байқатқан.

«Нұрсұлтан Әбішұлы, біз көп жұмыс атқардық. Бүгінде сіздің тапсырмаңызбен барлық 18 миллион адамның статусын анықтадық. 2,7 миллион өзін-өзі жұмыспен қамтығандардың 1,5 миллионы қалды. Оларға қатысты мәліметтер өңірлердің әкімдеріне берілді».

Осыдан кейін ол елдің көзіне көп түспейтін болды. Министр қызметінен босатылып, «Нұр Отанға» хатшысы, Еңбек ресурстарын дамыту орталығының жетекшісі болды, жаңа президент Тоқаевтың кезінде, 2020 жылдан бастап президент әкімшілігіне кеткен.

Назарбаев «шаршадың» деп, жұмыстан босатқан Дүйсенова Жаңа Қазақстан дәуірінде тың күшпен іске кірісетін сияқты. Назарбаевтың тапсырмаларымен айналыспай қойған Тамара ханым Тоқаевтың бастамаларын бұлжытпай орындай қояр ма екен?

Еңбек және халықты әлеуметтік қорғау министрлігі коронавирус пандемиясы басталған тұста елдің аузына көп ілінгенін ескерсек, бұл министрліктен жақсы атпен кету оңай болмасы анық.

Байланысты жаналықтар

Тоқаев Абай облысының әкімін қабылдады

01.03.2024

Президент Мәжіліс төрағасы Ерлан Қошановты қабылдады

01.03.2024

Тоқаев жаңа Премьер-министр Олжас Бектеновті қабылдады

01.03.2024

Соңғы үкім: Арыстанбек Мұхамедиұлы 11 жылға сотталды

29.02.2024

Тоқаев ҰОК президенті Геннадий Головкинді қабылдады

29.02.2024

Бектенов отандық өндірушілерді қолдау мақсатында «Бәйтеректің» саясатын қайта қарауды тапсырды

29.02.2024
MalimBlocks
Тоқаев Абай облысының әкімін қабылдады

Президент Мәжіліс төрағасы Ерлан Қошановты қабылдады

Кездесуде төраға Мәжілістің қазіргі заң шығару қызметі туралы баяндады.

Тоқаев жаңа Премьер-министр Олжас Бектеновті қабылдады

Кездесуде отандық тауар өндірушілерді қолдау шаралары мәлімет берді.

Соңғы үкім: Арыстанбек Мұхамедиұлы 11 жылға сотталды

Тоқаев ҰОК президенті Геннадий Головкинді қабылдады

Кездесуде спортшылардың алдағы XXXII жазғы Олимпиадаға дайындығы айтылды.

Бектенов отандық өндірушілерді қолдау мақсатында «Бәйтеректің» саясатын қайта қарауды тапсырды

Премьер-Министр төрағалығымен «Бәйтерек» директорлар кеңесінің отырысы өтті.