Орал қаласында балабақша көбейеді

Үміткерлер бұл жолы жиын өткізбей, әрбір бутикті аралап, тұрғындардың ұсыныс-тілектерін тыңдады.

  • 22.02.2023

«AMANAT» саяси ұйымының партиялық тізімі бойынша ҚР Парламенті Мәжілісінің депутаттығына ұсынылған кандидат Снежанна Имашева, БҚО мәслихатына ұсынылған кандидаттар Бауыржан Атауов пен Гүлмира Батпақұлова «Alem Plaza» сауда орталығында болып, сайлауалды үгіт-насихат жүргізді.

Үміткерлер бұл жолы жиын өткізбей, әрбір бутикті аралап, тұрғындардың ұсыныс-тілектерін тыңдады. Жергілікті тұрғын Әсем Исмағұлова қалада балабақшалардың аздық етіп жатқанын айтты.

- Зачаганск кентінде тұрамын. Ол жақта балабақшалар аз. Бөбекжайлардан кезекті алдымен мемлекеттік және бюджеттік қызметкерлер алады. Ал біз сияқты әлеуметтік мәртебесі жоқ адамдар кезекті сарыла күтуге мәжбүрміз. Балам үш жаста. Бөбекжайдан орын бұйырмаған соң, шағын орталыққа апарып жүрмін, - дейді ол.

Партияның сайлауалды бесжылдық бағдарламасында 3-6 жас аралығындағы балаларды мектепке дейінгі ұйымдармен 100 пайызға, ал 1-6 жас аралығын 84,3 пайызға қамту жоспарланған.

- Партия білім беру саласын назардан тыс қалдырған емес. Мектеп те, балабақша да кезең-кезеңімен салынып жатыр. Бұл бағыттағы жұмыстарды одан әрі жалғастырамыз және қарқынын күшейтеміз, - деді Снежанна Имашева.

Тұрғындар қалада баспана бағасы шарықтап кеткенін де тілге тиек етті. Жеке компаниялар тұрғын үйлерді көптеп салып жатқанымен, оны сатып алуға, тіпті алғашқы жарнасын жинауға көбінің қалтасы көтермейді. Оралда қазір 3,3 мың көпбалалы отбасы және әлеуметтік осал топтар санатындағы 11,5 мың отбасы пәтер кезегінде тұр. Партия алдағы бес жылда өңірде 3,2 млн текше метр тұрғын үй салуды, 10-нан астам апатты үйлерді сүріп, жаңасын тұрғызуды, 118 тұрғын үйді жөндеуді көздеп отыр. Мемлекеттік бағдарламалармен салынған тұрғын үйлер әлдеқайда қолжетімдірек болмақ.

- Партия алдағы мақсат-міндеттерін айқындады. Енді оларды халықпен бірге жүзеге асырғымыз келеді. Тұрғындар саяси науқанда белсенділік танытуы қажет. «Менің дауысым маңызды емес» деген ұғым болмағаны абзал. Елдің келешегіне әрбір адам үлес қоса алады. Сіздерді сайлауда «AMANAT» партиясына дауыс беруге шақырамын, - деді кандидат Гүлмира Батпақұлова.

Кандидаттар тұрғындарды толғандырған өзге де қоғамдық және жеке мәселелерге қатысты ақпараттық кеңес берді.

Батыс Қазақстан облыстық мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.

Байланысты жаналықтар

Ватиканда жаңа Рим папасы сайланды

08.05.2025

Ватиканда жаңа Рим папасын сайлау рәсімі басталды

07.05.2025

Фридрих Мерц екінші талпыныстан кейін Германия канцлері болып сайланды

06.05.2025

Серік Сәпиев жаңа қызметке сайланды

27.04.2025

Біреуі түсік жасатуға қарсы, ал біреуі ЛГБТ-ны қолдайды: Рим Папасы болуға үміткерлер аталды

23.04.2025

Украина билігі президент сайлауын өткізуге келісті

22.03.2025
MalimBlocks
Ватиканда жаңа Рим папасы сайланды

Ватиканда жаңа Рим папасын сайлау рәсімі басталды

Фридрих Мерц екінші талпыныстан кейін Германия канцлері болып сайланды

Серік Сәпиев жаңа қызметке сайланды

Біреуі түсік жасатуға қарсы, ал біреуі ЛГБТ-ны қолдайды: Рим Папасы болуға үміткерлер аталды

2025 жылғы мамырда Ватиканда 100-ден астам кардинал жиналатын конклав өтеді.

Украина билігі президент сайлауын өткізуге келісті