Алматыдағы Қазақ Ұлттық университетінің заңсыз алынған жеріне ең қымбат аудан салынатын болған. Қаланың Жер ресурстарын басқару басқармасы әл-Фараби даңғылы бойындағы ҚазҰУ-дың жерін жекеменшік игеруге берген қала әкімдігі шешімдерін заңсыз деп таныды.
Tengrinews порталының мәліметінше, заңгер Бақытжан Базарбек Facebook желісінде Алматы әкімдігі әрекетінің заңсыздығы туралы өз уәждерін жазып, Ауыл шаруашылығы министрлігіне қарасты басқармаға арыз жолдаған. Осыдан соң Базарбектің өтініші негізінде департамент әкімдікке қатысты тексеру жүргізген.
Ведомство мәліметінше, 2017 жылғы 1 тамызда әл-Фараби атындағы Қазақ ұлттық университеті Алматы әкімдігіне әл-Фараби даңғылы, 71 жер учаскесі шекарасын өзгерту туралы өтінішпен жүгінген. Жалпы алғанда, ҚазҰУ өз аумағын бір гектарға - 73,2-ден 72,1 гектарға дейін қысқартуды жоспарлаған.
Алматының жер комиссиясы екі күн ішінде оң қорытынды шығарған және 5 тамызда жер "паркинг салу үшін Omirex ЖШС уақытша өтеулі қысқа мерзімге жерді пайдалану құқығымен" кетті. Жер әл-Фараби даңғылы, 69/5 және 69/7 бойынша екі дербес учаскеге бөлінді. Департаментте 2018 жылы компанияның жарғылық капиталы "Аркада Impex" ЖШС-не кеткенін, содан кейін ол Atlas Development ЖСШ деп өзгергенін түсіндірген.
Жоба ҚазҰУ территориясы аумағын азайту бойынша бекітілгеннен кейін Алматы әкімдігі, департамент деректері бойынша, 2017 жылғы 2 қазанда "Жер учаскесіне ортақ үлестік тұрақты жер пайдалану құқығын беру туралы" қаулы қабылданған. Осылайша жерді ҚазҰУ-ға пайдалануға берді, ал 2017 жылғы 28 қазанда 2017 жылғы 2 қазандағы қаулының қолданылуы тоқтатыла отырып, жер "10 жыл мерзімге уақытша өтеулі ұзақ мерзімді ортақ үлестік пайдалануға" беріледі.
"Алматы қаласы бойынша жер телімдерін беру жөніндегі комиссия отырысының 2017 жылғы 3 тамыздағы хаттамасы және Алматы қаласы әкімінің 2017 жылғы 2 қазандағы қаулысының 14,15,20 және "Мемлекеттік мүлік туралы" заңының 135-баптарын бұза отырып, білім беру саласындағы және мемлекеттік мүлік саласындағы уәкілетті органдардың жазбаша келісімінсіз қабылданған және бекітілген, бұл жер-кадастрлық іс материалдарымен және ҚР Білім және ғылым министрлігінің жазбаша жауабымен расталады", - делінген департаменттің жазбаша жауабында.
Ведомство мәліметінше, мемлекеттік жер пайдаланушыларға тиесілі жер пайдалану құқығын иеліктен шығаруға, сондай-ақ кепілге беруге тыйым салынады. Білім және ғылым министрлігінің келісімінсіз мұндай шешім қабылдау мүмкін емес.
