«Партиялық емес байқау орталығы» Республикалық қоғамдық бірлестігінің төрағасы Төлеген Күнәділов BAQ.KZ cайтына сайлау процесі барысында бұзушылықтар анықталмағанын айтты.
Қазіргі уақытта еліміз бойынша 1 845 сайлау учаскесінде Партиялық емес байқау орталығының байқаушылары қамтылды. Біздің 2 000-нан астам байқаушымыз республиканың барлық облысында, ең шалғай сайлау учаскелерінде де жұмыс істеп жатыр, - депті ол.
Күнәділов сайлаушылардың белсенділігі жоғары болғанын атап өтті. Сөзінше, ауыл тұрғындары дауыс беруге көтеріңкі көңіл-күймен келіп, өз таңдауын жасап жатыр.
Айта кету керек, сайлау учаскелерінде елеулі бұзушылықтар тіркелген жоқ. Біздің байқаушылар сайлау процесінің заңдылығы мен ашықтығына әсер етпейтін кішігірім бұзушылықтарды тіркеді. Біз еліміздің барлық азаматына сайлау заңнамасын мүлтіксіз сақтауды және сайлау учаскелерінде арандатулар мен бұзушылықтарға жол бермеуді тағы да естеріне салып өтеміз, - депті қоғамдық бірлестігінің төрағасы.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
