Фото: Japan Times
Japan Times басылымы дабыл қақты. Дәл осы уақытта, мына жер бетінде миллиондаған адам ашаршылыққа ұрынып, өлім мен өмір ортасында күнелтіп жатыр. Кейбір деректер ашаршылықтың зардабын тартып отырған адамдарс аны 800 миллионнан көп дейді. Ал ірі экономикаға ие елдер оларға қарайласар емес.
Ғаламдық ашаршылық дағдарысы үдеп барады, ал көптеген ірі елдер көмек көрсетуге жеткіліксіз қаржы бөлу арқылы өз міндеттемелерін орындамай отыр. Бірқатар халықаралық ұйымдардың мәліметтеріне сәйкес, әлемде аштық деңгейі күрт көтерілді. Бұған себепші болған экономикалық дағдарыстар, табиғи апаттар мен қақтығыстар, дейді Japan Times басылымы.
Адамдар, әсіресе, Африка мен Азияның кейбір аймақтарында азық-түлік тапшылығына ұшырауда және бұл жағдай миллиондаған адамның өміріне қауіп төндіріп тұр. Біріккен Ұлттар Ұйымы мен басқа да гуманитарлық ұйымдар ашаршылықпен күресуде маңызды рөл атқарады, бірақ олардың қаржылық ресурстары күннен-күнге азайып барады.
Әлемдегі ең ірі экономикаға ие елдердің көмек көрсету мөлшері төмендеп, кейбір елдер өздерінің халықаралық міндеттемелерін орындауға құлықсыздық танытып отыр. Бұл ашаршылық пен азық-түлік тапшылығының артуына себеп болғаны сондай, миллиондаға адам баласы ішер ас пен таза ауыз суға, киер киімге жарымай күнелтуге мәжбүр..
Дүниежүзілік азық-түлік бағдарламасы (WFP) мен басқа да гуманитарлық ұйымдар көбінесе жедел көмек көрсету мен ұзақ мерзімді қолдау көрсету үшін қаржылық көмекке мұқтаж. Алайда, бай елдер өздерінің міндеттемелерін орындауға, әлемдік қауымдастыққа қаржылай көмек көрсетуге дайын емес. Бұл аштықтың кең ауқымды дағдарысқа айналуына әкеліп соғуы мүмкін.
Ғаламдық ашаршылыққа қатысты тағы бір үлкен мәселе – ол әлемдік қорлардың жеткіліксіздігі мен климаттық өзгерістердің салдарынан ауыл шаруашылығы өнімділігінің төмендеуі. Осы факторлардың бәрі аштықтың таралуын тездетіп жатыр.
