Алаштанушы ғалым Сұлтан Хан Жүсіп Парламент Мәжілісі депутаттығына қайтадан үміткер болып тіркелді. 24 ақпанда оны Астанадағы № 1 аумақтық сайлау комиссиясы кандидаттар қатарынан шығарып тастаған еді. Оны Сұлтан Хан Жүсіп «декларациямда өзім мен жарымның Астанадағы үлескерлік жолмен алған баспанамды «көрсетпеген» екенмін»,- деп түсіндірген болатын.
Үміткердің айтуынша, Қаржы министрінің 2020 ж. 21 желтоқсандағы № 1227 бұйрығымен бекітілген 250 формалы декларацияда Мәжіліс пен мәслихат депутаттығына кандидаттар шетелде баспана, банк есеп-шоты, автокөлігі және шетелдік акционерлік қоғамның жарғылық капиталында үлесі бар ма? - деген 4 сауалға ғана жауап беруге тиіс. Қалғандарын жергілікті Кіріс Департаменті тексеріп беруге міндетті. «Демек мен басқа ештеңені көрсетуге міндетті емеспін. «Көрсетпеді» деген Департаменттің өз өтірігі»,-деп әлеуметтік желіге жазды ол.
Сұлтан Хан Аққұлұлын кандидаттықтан алынып тасталуына байланысты қоғамдық пікір туып, азаматтар бұл әрекетті әділетсіздікке, бұра тартушылыққа балады. Олар азаматты үміткер ретінде қайта тіркеуді талап етті.
27 ақпан күні С.Жүсіп декларацияны жіберген Департаментке барған. «... өтірігін бұлтартпай дәлелдеп берген соң, кешкісін Астана қалалық және № 1 АСК төрағалары, тіпті әлгі Департаменттің өкілі менің конституциялық құқымды қалпына келтіргенін және енді сайлауалды науқанымды жалғастыруға болатынын хабарлады»,-деп мәлімдеді.
Сұлтан Хан Жүсіп Парламент Мәжілісі депутаттығына қатысатын болды.
Байланысты жаналықтар
MalimBlocks
Трампқа жасалған қастандық: неліктен Қауіпсіздік қызметі шабуылдаушыға АҚШ-тың бұрынғы президентіне жақын келуіне мүмкіндік берді?
Шілденің 13-күні АҚШ-тың Пенсильвания штатында Дональд Трампқа қастандық жасалды. Осыдан кейін ел билігі мен БАҚ АҚШ-тың қазіргі және бұрынғы президенттерінің қауіпсіздігіне жауап беретін агенттіктің жұмысына назар аударды. Саясаткерлер, журналистер мен сарапшылар Трампқа оқ атқан адамның ол жерге қалай барғанын тыңғылықты зерттеуге кіріскен.
