Жаңа премьер-министр Әлихан Смайылов Мемлекет басшысынан тапсырма алды.
"Бүгін жаңа премьер-министрді тағайындадық, бірқатар нақты міндет қойдық. Премьер-министрге үш апта ішінде 2022 жылға арналған Үкіметтің іс-қимыл бағдарламасын дайындауды тапсырамын. Оны ақпанның басында Үкіметтің кеңейтілген отырысында қарастырамыз", - деді Тоқаев Мәжіліс отырысында.
Еске сала кетейік, 5 қаңтарда Президент Қасым-Жомарт Тоқаев Үкіметті отставкаға жіберу туралы Жарлыққа қол қойды. Әлихан Смайылов премьер-министрдің міндетін атқарушы болып тағайындалған еді. 11 қаңтардағы Мәжіліс Отырысында Президент Смайыловты премьер-министр қызметіне тағайындады.
