«Транстелеком» АҚ акциясы Назарбаеваның ұлына берілді

Malim Админ

  • 17.02.2021

«Транстелеком» АҚ компаниясының 75 пайыз акциясы Нұрәли Әлиев құрған «Unit Telecom» ЖШС иелігіне өтті.

11 ақпандағы үкімет жарлығында Мұқанов Марлен Сәбитұлына «Транстелеком» АҚ-ның 75% акциясын «Unit Telecom» ЖШС компаниясына беру туралы келісімге рұқсат беру жөнінде айтылған.

«Unit Telecom» компаниясының құрылтайшыларының қатарында экс-президент Нұрсұлтан Назарбаевтың жиен-немересі, мәжіліс депутаты Дариға Назарбаеваның ұлы Нұрәли Әлиев пен Пакупателев Дмитрий есімді азамат бар. Әлиев «Транстелеком» АҚ директорлар кеңесінің төрағасы, ал Дмитрий Пакупателев директорлар кеңесінің мүшесі. Нұрәли Әлиев бұл қызметке 2016 жылдың тамыз айында келген.

2021 жылдың 1 қаңтарындағы дерек бойынша Мұқанов «Транстелеком» АҚ –ның 74,99 % акциясына иелік еткен. Қалған 25 %-ы «Қазақстан темір жолы» ұлттық компаниясына тиесілі болған. Марлен Мұқанов 2016 жылы (Әлиев қызметке келген жылдан бастап) «Транстелекомның»  49% акциясын иеленген. 2018 жылдың мамыр айында 75% акция бизнесменнің қолына өткен. Бұған дейін Мұқанов «Нұрбанк» директорлар кеңесінің мүшесі және Нұрәли Әлиевтің сенімді серіктерінің бірі болған.

2020 жылы «Транстелеком» АҚ-ның негізгі капиталы 12 млрд теңге, жалпы табысы 13 млрд теңге болған. «Unit Telecom» ЖШС 2014 жылы тіркелген. Бірақ мемлекеттік кірістер комитетінің мәліметінше, тек 2020 жылы 9090 теңге көлемінде салық төлеген.

«Forbes» журналының есебі бойынша, 2020 жылы Нұрәли Әлиевтің байлығы 269 000 000 доллар болған. Ол «Capital Holding» ЖШС-ға иелік етеді. Бұдан бөлек, «Darmen Holding» компаниясы мен «Nd Capital» венчурлық қорының акционері.

Соңғы жылдары Нұрәли Әлиевтің есімі Ұлыбританиядағы қымбат жылжымайтын мүліктерге байланысты дауларда жиі аталуда.

Байланысты жаналықтар

Назарбаев едел-жедел Мәскеуге ұшып кетті. Не үшін?

30.06.2021

Қытайша білетіндер сенат спикері болады...

03.05.2020

"Нұрәлі Әлиевтің үйі менің арызымнан соң қамауға қойылды"

11.03.2020

Айсұлтан Назарбаевтың неден қайтыс болғаны айтылды

25.03.2021

Дариғаны идеал тұтқан Райымқұлованың ендігі халі не болмақ?

01.06.2020

Денис Теннің қазасына екі жыл толды. Не өзгерді?

19.07.2020
MalimBlocks
Назарбаев едел-жедел Мәскеуге ұшып кетті. Не үшін?

Қытайша білетіндер сенат спикері болады...

"Нұрәлі Әлиевтің үйі менің арызымнан соң қамауға қойылды"

Айсұлтан Назарбаевтың неден қайтыс болғаны айтылды

Дариғаны идеал тұтқан Райымқұлованың ендігі халі не болмақ?

Денис Теннің қазасына екі жыл толды. Не өзгерді?