«Жібек жолы». Қазақстан Ресей компаниясымен келісімді бұзады
Қазақстандық кеме туралы дау жақын арада бітпейтін сияқты...
Қазақстан заңсыз жүк тасымалдады деген күдікке ілінген «Жібек жолы» кемесін қайтарып алуы мүмкін. Бұл туралы үкімет кулуарында Индустрия министрі Қайырбек Өскенбаев айтты.
«Қазақстанның бұл жағдайға қатысты позициясы – біз бұл кемені жалға бердік. Оған осы кемені кім жалға алды, сол жауапты. Кемені алғанда ол мынаны істей алады, мынаны істей алмайды деген шектеулер болады. Егер кеме Қазақстанда және халықаралық құқықтарда бекітілген заңдық нормаларға сай келмейтін жүк тасымалмен айналысқан болса, әлбетте, қазіргі келісім бұзылып, кеме кері қайтарылады», - деді ол.
«Жібек жолы» кемесінің Украинаның Ресей басып алған аймақ Бердянскіден 4500 тонна астық тасығаны хабарланған. Украина тарапы Түркиядан өз аймағында кемені тоқтатуды сұраған. Артынша бұл кеменің Қарасу портында қаңтарылып тұрғаны туралы ақпарат шыққан.
«Жібек жолының» күдікке ілінуіне байланысты «Қазақстан темір жолы» ұлттық компаниясы кемені жалға алған ресейлік Green Line ЖШҚ компаниясына арнайы сұраныс жіберіп, жағдайды түсіндіруді талап еткен. Және компания мәлімдемесінде астық саудасы туралы келісімнің эстониялық Mangelbert OU компаниясы мен Түркия тарапы арасында жасалғаны да айтылған.
Байланысты жаналықтар
MalimBlocks
Дело о захвате аэропорта: здание суда закрыли для посетителей и адвокатов
Здание алматинского горсуда закрыли для посетителей и адвокатов во вторник, 19 сентября. Известно, что в одном из залов судебных заседаний идет апелляционное рассмотрение жалобы на приговор суда первой инстанции, по которому осуждены активисты Айгерим Тлеужан, Калас Нурпеисов и еще трое алматинцев.