Қазақстандық әнші Ерке Есмахан Instagram-стористе өз махаббатын жолықтырмаған қыздарға кеңес берді, деп хабарлайды Malim.kz.
Оқырмандардың бірі 39 жастағы өнер иесінен ажырасқан соң күйеу табу қиын екенін айтып, ақыл сұраған.
Ерке өз адамыңды кездестіруден үміт үзбеу керектігін алға тартты.
Неге қиын? Мен, мысалы, ажырасқан соң 12 жылдан кейін тұрмысқа шықтым. Күйеуім болғаны үшін ғана тұрмысқа шыққым келген жоқ. Мені түсінетін, аялайтын, қалай бар, солай қабылдайтын, шынайы ғашық адамға ғана екінші рет тұрмысқа шығамын деп өз-өзіме сөз бердім. Аллаға шүкір, бар талабым Райымның сүйіспеншілігімен ұштасты. Анда жоқ, мұнда жоқ деп жүріп таптым.
Бойдақ қыздар, ажырасқан қыздар, ешқайда асықпаңыздар. Бәрі өз уақытында, өз ретімен болады. Тек күйеуге шығуды ойлап өмір сүрудің қажеті жоқ. Назарды өзіңізге бұрыңыз, - деп жауап берді Ерке.
Фото: instagram.com/erke_esmahan
MalimBlocks
