«Ішпей-жемей жүргіш, бұзық әйелге айналасың». Айгүл Иманбаева ажырасқан әйелдердің мұңын жеткізді
Актрисаның айтуынша, қоғамда жалғызбасты әйелдерге орын жоқ.
![](/images/article-img/1600/23482-1721798343-m.jpg)
Өнер иесі Instagram желісіндегі парақшасында ажырасқан әйелдердің мәселесін көтерді, деп хабарлайды Malim.kz.
Актрисаның айтуынша, қоғамда жалғызбасты әйелдерге орын жоқ.
”Меніңше, біздің қоғамда жалғызбасты әйелдерге орын жоқ сияқты. Себебі, олар өз орнын, өз еншісін тісімен, қолымен жұлып алғандай қып алады. Байқайсыздар ма, қазір қоғамда жалғызбасты аналар, әкесіз бала өсіріп отырғандар көп. Бір сөзбен айтқанда әйел өзін жаралы, керексіз сезінеді. Әрине, ол қатарда мен де бармын. Себебі, ажырасқаннан кейін ішпей-жемей жүргішке, бұзық әйелдің қатарына жатып кетесің. Сені солай есептейді", - дейді актриса.
Жалғызбасты әйелдер өзін сыйлата алуы үшін еркектің күшіндей күш керек екенін атап өткен.
"Той-томалаққа жалғыз барсаң біреудің күйеуін тартып алып қоятындай күйеуі бар әйелдер қызғанады. Біреулері мынау байғұс әлі жалғыз жүр ме дейді. Көп әйелдер осындай мәселелерден қысылады. Сол үшін жалғызбасты әйелге еркектің күшіндей күш, энергия, психология керек болады. Сен еркек бола алмайсың, бірақ өзіңді сыйлатып, балаңды жеткізіп, қоғамда өз орныңды алу үшін мінез, білім керек болады", — дейді актриса.
Еске сала кетейік, жақында шетелде білім алып, елге оралған танымал актриса Айгүл Иманбаева мен оның бұрынғы күйеуі Сәбит Әбдіхалықов фильмге түсіп жатыр.
Фото: : instagram.com/aigul_imanbayeva
Байланысты жаналықтар
MalimBlocks
![](/images/article-img/600/24549-1725596014.jpeg)