«Меценат күйеуіміз жоқ». Кредит алатын адамдарды кінәлаған Динара Сәтжанның өзі сөзі естіді

Қазақстандық танымал тележүргізуші Динара Сәтжан несие алатын адамдарға кеңес айтты, деп хабарлайды Malim.kz.

Тұтынушылық несиелер – тұзақ. Менің шоу-румымда бөліп төлеу қарастырылмаған. Иә, бұл клиентке ыңғайлы, бірақ мен адамды қарызға батырғым келмейді.

Көйлекті кешке бір рет киесіз, ал оның қарызын жарты жыл төлейсіз. Бұдан бөлек онсыз да несиеге алынған iPhone, теледидар, жиһаз бар. Оған ипотеканы қосыңыз. Жалақысын алады. Несиеге таратады. Шоттағы ақша нөл.

Бүгінгі таңда бір қазақстандыққа орта есеппен 5 несиеден келеді. Банктерге төнетін қауіп жоқ, 100 адамның кемі 70-і міндетті түрде қарызын төлейді. Ал борышкерлермен арнайы ұйым айналысады, деді Сәтжан.

Тележүргізуші мұның бәрі қазақстандықтардың қаржылық сауатының төмендігін көрсетеді деп отыр.

Біздің қаржылық сауатсыз екеніміз – бұл факт. Біз ақша жинай алмаймыз. Бірақ біз несиелерді сенімді түрде аламыз.

Банктер мен МҚҰ, ең бастысы, ЖСН ғана қажет. Бұл бұрын несие алу қиын еді, миллион құжат пен кепілгерлер. Қазір бәрі оңай. Былтыр елімізде 36 млн тұтынушылық несие берілді. Шыны керек, қорқынышты статистика.

Несие алмас бұрын, бұл сіздің жүйкеңізге және денсаулығыңызға әсері туралы ойлаңыз. Жақсы және жаман жақтарын таразылаңыз және қарызға кіре беруді тоқтатыңыз, деп қосты ол.

Дегенмен Сәтжанның бұл сөздері оқырман тарапынан қолдау таппаған. Көпшілік несие алуға мұқтаж екенін жазған, себебі елдегі жалақы төмен, ал күнкөріс қымбат.

«Біздің меценат күйеуіміз жоқ», «Ешкім еріккен несие алмайды», «Аш бала тоқ баламен ойнамайды» деген рас», «Адамдар бөліп төлеуді пайдаланса, бұл қаржылық сауатсыздық екен, ал сіздің 5 млн теңгеге сөмке алатыныңыз қаржылық сауаттылықтың белгісі ме? Ақшаң болса, қалағаныңша еркелей аласың», деп жазды көпшілік.

Фото: instagram.com/dinarasatzhan