«Мен де өлемін». Мақпал Жүнісова туған әпкесімен арада болған әңгімені айтып берді

Танымал әнші Мақпал Жүнісова әлеуметтік желідегі парақшасында халықтан кешірім сұрады, деп хабарлайды Malim.kz.

Әншінің таңертең жариялаған видеолары үшін әпкесі қоңырау шалып, ауыр сөздер айтқан.

"Құрметті ағайын, менің таңда айтқан сөзіме кешіріммен қараңыздар. Қазір маған әпкем қоңырау шалып "сен бізді ұятқа қалдырдың, менің сендей сіңлім бар болғанына өкінемін" деп, қатты сөздер айтып жатыр. Жарайды. Өмір сүре берсін. Мен де өлемін, мен мәңгілік емеспін. Сүлеймен де өлген, патшалардың бәрі өлген. Басымды қатырмаңдар. Кері қайтсаңдар, кері қайтып кетіңдер! Әкемнің аруағы қолдасын", - деді ол.

Әнші бұған дейін жариялаған видеоларын кейбір адамға ренішін білдірген еді.  

"Жалпы мен өмірге ризамын, әрбір күнім үшін Аллаға шүкір деймін. Ешкімге ренішім жоқ. "Өмір деген қызық қой, қызық жерін сызып қой, анда-санда бұзып қой" деген сияқты, бұзатын кездерім болады. Сіздер, 90 пайызыңыз мені кешіресіздер, 10 пайызыңыз "әнші емес" дейсіздер", - дейді әнші.

Фото: instagram.com/zhunusova.makpal