Төреғали Төреәлінің қарындасы бір күнде 7 млн ақшаны қалай жаратып жібергенін айтты
Блогер кәсіп бастаймын деп 3 млн теңге қарызға кіргенін де жасырмады.
Отандық танымал блогер Дина Төреәлі бір аптада 7 млн теңгені құртып тастағанын айтты. Ол оқырмандарымен қаржылық сауат туралы әңгіме өрбітіп, өзінің қателігін мойындады, деп хабарлайды Malim.kz.
Дина Төреәлі қаржылық сауаты төмен болғандықтан ақшаны тиімді жарата білмегенін айтады.
"Маған сыйлыққа берген көлікті сатып жібергенмін. Содан түскен 7 млн теңгені бір аптада құртып тастадым. Негізі күліп айтатын нәрсе емес. Ол кезде жаспын. Қаржылық сауаттылық 0 болды. Осы жерде адамның жағдайы да маңызды ғой. Адам егерде 200 мың теңгені дұрыс басқара алмаса, оған миллиондар қайдан келсін", - деп жазды блогер Instagram-дағы парақшасында.
Сонымен қатар кәсіп бастаймын деген ол 3 млн теңге қарызға кіргенін атап өтті.
"Алға мақсат қойсам қайтпайтын әдетім бар. Тәуекел етуден қорықпаймын. Сол кезде де тәуекел етіп, балалар киімі дүкенін ашқанмын. Ағамның қыздарын модель етіп, суретке түсіретінмін. Бір қызықты естеліктер. Есіме түссе жүрегім жылып қалады. Өкінбеймін. Үлкен сабақ алдым. Сонымен бұл кәсібіме ойым да дайын болмаған. Бірден 3 млн теңгеге минусқа кеттім. Күйзеліске түсіп кетпеу үшін Аллаға тәуекел ете білуім құтқарды", - деді Дина Төреәлі.
Фото: әлеуметтік желі
Байланысты жаналықтар
MalimBlocks
