Байбектен қалған дәретхананы Досаев аша ма?  

«Алматы қаласы бойынша Сот сараптамалары институтының тауартану сараптамасы дәл осындай дәретхананың нарықтық құны 4 785 000 теңге екенін көрсетті. Ал әкімдік олардың әрқайсысын 7 979 954 теңгеден бағалап 20 санитарлық-гигиеналық қондырғы сатып алған. Яғни біреу 63 899 080 теңгені қалтасына басып алды»,- дейді «Әділдік жолы» қоғамдық бірлестігінің атқарушы директоры Дидар Смағұлов.

Әкімдік 2021 жылы туристер көп келеді-ау дейтін  жерлерге дәретхана орнатқан. Техникалық қызмет көрсетумен «EcoMed Service» ЖШС компаниясы айналысады деп келісілген. Бірақ мамандардың айтуынша дәретхана модульдері  техникалық сипаттамаға сәйкес келмейтіндіктен ашылмаған. Сондықтан Смағұловтың айтуынша, шығын көлемі бұдан да көп болуы мүмкін.