Бекболат Тілеухан: "Жатырым - менің ұраным" дегенге қарсымын
Парламент мәжілісінің депутаты Бекболат Тілеухан ағымдағы жылдың 8 наурызында өткен әйелдер маршына қарсылығын түсіндіріп, марш қайталанса, тағы қарсы шығатынын айтты.
«Мен ұлттық мәдениет өкілі болғандықтан, ол нәрсенің бәрі мен үшін жат. Ұлттық болмысымызға қарсы нәрсе айтылып жатқанда мен жырау ретінде үнсіз қала алмадым, ол нәрсе менің ақылыма сыймайды».
Брифинг кезінде «Нақты әйелдердің бас көтеріп, шеру өткізгеніне қарсысыз ба?» деген журналист сұрағына Тілеухан былай деп жауап берді.
«Жатырым – менің ұраным» деген нәрсеге қарсымын. Ол біздің ұлттық болмысымызға жат дүние. Келешекте тағы болса (шеру – ред.), тағы қарсы шығам, бұл мәселеде мен енді тоқтамаймын. Әлем болып оларды қорғап, қолпаштаса да, аузын ашуға қорықса да, қарсымыз. Өйткені олар ғасырлар бойы ата-бабамнан келе жатқан дүниенің быт-шытын шығарғысы келгенде, үнсіз қала алмаймыз», - деді ол.
Айта кетейік, бұған дейін де Бекболат Тілеухан маршқа қатысты сын пікірін білдіріп, оның заңдылығын тексеру үшін парламентке сауал жолдаған болатын. «Сауалыңыз қанағаттандырылды ма?» деген журналист сұрағы жауапсыз қалды.
Байланысты жаналықтар
MalimBlocks
