Цой ковидпен күресу үшін шетелден ақша алмақ

Malim Админ

  • 25.10.2020

Қазақстан COVID-19-ға қарсы күрес үшін Азия даму банкінен 3 миллион доллар көлемінде грант алмақ.  Президент Қасым-Жомарт Тоқаев жарлығының жобасы "Ашық нормативтік-құқықтық актілер" порталында қазанның 21-і күні жарияланып, ашық талқылауға шығарылды. Қазақстан мен Азия даму банкі арасындағы келісімің жобасын порталға денсаулық сақтау министрлігі ілген.

"1. Қазақстан Республикасының 2005 жылғы 30 мамырдағы "ҚР-ның халықаралық келісімдері туралы" заңның 8-бабына сәйкес, Қазақстан Республикасы мен Азия даму банкі арасындағы грант туралы келісім (Азия-Тынық мұхит дүлей зілзаларға қарсы әрекет ету қоры) (COVID-19-ға қарсы шұғыл әрекет ету жобасы) жобасын  мақұлдауды қаулы етемін. 2. Денсаулық сақтау министрі Цой Алексей Владимировичті Қазақстан Республикасы атынан Қазақстан мен Азия даму банкі арасындағы грант келісіміне (Азия-Тынық мұхит дүлей зілзаларға қарсы әрекет ету қоры) (COVID-19-ға қарсы шұғыл әрекет ету жобасы)  қол қоюға өкілеттілік беруге қаулы етемін", - делінген. Жарлық қол қойылған күннен бастап күшіне енеді. ҚР президенті Қ.Тоқаев", - делінген президенттің жарлығы жобасында.

Азия даму банкі мен Қазақстан арасындағы грант туралы келісім де порталға қоса ілінген. "Азия даму банкі осы Грант туралы келісімде көрсетілген шарттарға сәйкес Азия-Тынық мұхит дүлей зілзалаларға ден қою қорының қаражатынан Қабылдаушыға $3000000 (үш миллион АҚШ доллары) мөлшерінде соманы беруге міндеттенеді", -делінген келісімде.

Келісімге қарағанда, гранттың қаражаты мыналарды: (а)  халықтың неғұрлым осал топтары, атап айтқанда ауылдық жерлерде пайдалану үшін дәрі-дәрмектер мен медициналық керек-жарақтарды сатып алуға; және (б) жергілікті ауруханалар мен медициналық орталықтардың, оның ішінде қарқынды терапия бөлімшелері үшін емдеу әлеуетін арттыруға арналған медициналық жабдық сатып алуға пайдаланылатын болады.

Бұл келісімге денсаулық сақтау министрі Алексей Цой қол қою тиіс.

Қоғамдық талқылаудағы құжатқа әзірге ешкім пікір жазбаған. Жарлық жобасы 4 қарашаға дейін қоғамдық талқылауда болмақ.

 

Байланысты жаналықтар

АҚШ Қазақстан, Өзбекстан, Тәжікстанға өтініш жасады

03.07.2021

Қатаң карантинді екінші рет енгізген жалғыз елміз

05.07.2020

Қазақстанда халық кедейленіп барады

12.04.2021

Екпе төңірегіндегі дау: Қазақстанда вакцина тапшы ма?

06.05.2021

Сирия бойынша келіссөздер Нұр-Сұлтанда жалғасады

16.06.2022

Біртанов пен Әбішевке қатысты тергеу амалдары аяқталды

08.07.2021
MalimBlocks
АҚШ Қазақстан, Өзбекстан, Тәжікстанға өтініш жасады

Қатаң карантинді екінші рет енгізген жалғыз елміз

Қазақстанда халық кедейленіп барады

Екпе төңірегіндегі дау: Қазақстанда вакцина тапшы ма?

Сирия бойынша келіссөздер Нұр-Сұлтанда жалғасады

Сирия бойынша Астана процесінің 19-шы кездесуі 2022 жылдың екінші жартысында Нұр-Сұлтан қаласында өтеді. Бұл туралы бүгін елордаға келген Иран, Ресей және Түркия өкілдері бірлесіп мәлімдеді.

Біртанов пен Әбішевке қатысты тергеу амалдары аяқталды