COVID-19: Бас қалада күнде 500, Алматыда 100 науқас ауруханаға түседі

Malim Админ

  • 17.06.2020

Бас қаланың қоғамдық денсаулық басқармасының басшысы Сәуле Қисықова Нұр-Сұлтанда маусым айынан бастап күнде 500 адам ауруханаға түсіп жатқанын мәлімдеді. Оның айтуынша, әрбір екінші адамда пневмония.

"Жылдың басынан бері орташа есеппен ауруханаға пневмониясы бар 5 адам түсіп отырса, маусымнан бастап күніне 500 адамнан түсіп жатыр, әрбір екінші науқастың өкпесі қабынған. Оның 90-ының жағдайы ауыр немесе орташа ауыр", - деді Сәуле Қисықова онлайн брифингіде.

Бүгінгі дерек бойынша, жұқпалы аурулар және провизорлық стационарда жатқан науқастардың саны – 1711 адам. Олардың 80-і жансақтау бөлімінде. Ал бас қалада ауру белгісі бар 2951 науқас тіркелген. Бұл статистикаға кірмеген 774 адам - ауру белгісі жоқ тасымалдаушылар.

Алматы қаласы денсаулық сақтау басқармасының басшысы Камалжан Надыров болса, қаладағы ауруханаларға күн сайын жүзден астам науқас түсетінін мәлімдеді. Ол бұл туралы Facebook әлеуметтік желісінде жазды.  "Қаладағы жағдай шынында күрделі. Денсаулық сақтау жүйесінің ресурстары шексіз емес. Біздің елден қаржыландыруы он есе артық дамыған мемлекеттерде де ресурстар жетпей жатыр. Аурулардың саны артып жатыр. Соңғы күндері ауруханаларға жүзден астам адамнан түсіп жатыр. Ауруханадарда орташа есеппен 200-300 орын бар, демек, бәрін сыйдыру үшін үш күн сайын жұқпалы аурудар стационарын ашып отыру керек. Әрине, бұл мүмкін емес. Бүгінде коронавирус дертімен түскендерді 10 аурухана қабылдап жатыр. 1300-ден астам адам ем алып жатыр. Қолдағы бар аурухананы коронавирус індетін емдейтін орынға айналдыруға болмайды. Күн сайын қалада 2500 шұғыл шақырту болады. Мәселе ауруханадағы бос орында ғана емес, коронавирус індетін жұқтырғандармен жұмыс істейтін дәрігерлер бригадасы туралы сөз болып отыр. Өкінішке қарай, жағдайы ауыр және орташа науқастарды ғана ауруханаға жатқызуға мәжбүрміз", - дейді К.Надыров.

Алматыда ауру белгісі бар 3182 науқас тіркелді. Бұл статистикаға кірмеген 907 адам ауру белгісі жоқ вирустың тасымалдаушылары.

Бүгінде ел бойынша коронавирус инфекциясын 15 542 адам жұқтырған. 9716 адам аурудан айықты. 88 адам вирустан көз жұмды.

Фото: Pavlodarnews

Байланысты жаналықтар

Алматыда бизнес-орталық отқа оранды

29.03.2024

Алматыда ер адам тұрғын үй кешенінің күзетшісін аса қатыгездікпен өлтіріп тастады

29.03.2024

Жолды жауып тастаған Қоянды ауылынан бір түнде 80 мың текше метр су тартылды

27.03.2024

Алматы облысында жол апатынан 3 адам қайтыс болды  

24.03.2024

Наурыз-2024: Астанада бір тоннадан астам палау әзірленді

22.03.2024

Алматыда Наурыз мейрамы қалай өтіп жатыр

22.03.2024
MalimBlocks
Алматыда бизнес-орталық отқа оранды

Алматыда бизнес-орталық өртенді, деп хабарлайды Malim.kz.

Алматыда ер адам тұрғын үй кешенінің күзетшісін аса қатыгездікпен өлтіріп тастады

Алматыда түнде тұрғын үй кешенінің күзетшісін үй тұрғындарының бірі аяусыз өлтіріп тастаған, деп хабарлайды Malim.kz.

Жолды жауып тастаған Қоянды ауылынан бір түнде 80 мың текше метр су тартылды

Алматы облысында жол апатынан 3 адам қайтыс болды  

Наурыз-2024: Астанада бір тоннадан астам палау әзірленді

Алматыда Наурыз мейрамы қалай өтіп жатыр