Дертке шалдыққандар саны алтыға жетті, «Nur Otan» шегінді

Қазақстанда тағы екі адамнан коронавирус анықталды, – деп хабарлайды "Мәлім.кз" Денсаулық сақтау министрлігінің баспасөз қызметіне сілтемемен.

Біреуі – 1958 жылы туған ер адам. Жеке кәсіпкер. Ол Алматыға Мәскеуден 10 наурызда ұшып келген. Қазіргі таңда карантинде жатыр.

Сонымен қатар, елордада тағы бір науқас тіркелді. Әйел адам. Ол Варшава-Нұр-Сұлтан ұшағымен ұшып келген.

Қазіргі уақытта коронавирус жұқтырған қазақстандықтар саны 6-ға жетті. Оның төртеуі алматыда, екеуі Нұр-Сұлтан қаласында.

Сонымен қатар, бүгін «Nur Otan» партиясы төрағасының бірінші орынбасары Бауыржан Бәйбек Туиттер парақшасында: «Короновирус індеті таралу қаупінің алдын алу үшін шектеу шараларының енгізілуіне байланысты «Nur Otan» партиясының 2020 жылғы 18 наурызға белгіленген Саяси кеңесінің отырысын өткізу тоқтатылды» деп жазды.