«Енді Салтанат Нүкенованың ағасын педофил деп айыптап жатыр» - Адвокат Жанна Мұхамади

Желіде Салтанат Нүкенованың ағасы Бишімбаевтың кішкентай қызына шабуыл жасап, зорламақ болды деген ақпарат тарады. Бұл туралы адвокат Жанна Мұхамади әлеуметтік желідегі парақшасында пікір білдіріп, жаңа ақпараттық шабуыл басталғанын айтты.

«Бұл мүлдем қисынға келмейді. Мұндай жағдайда баланың  ата-анасы, ата-әжесі үнсіз отыра ма? Бишімбаевтың бұрынғы әйелі (қыздың анасы) мұны бей-жай қалдырар ма еді?», – деп жазды адвокат. 

Негізінде Айтбек Амангелді қарындасын ұрып-соққанын естіп, оны алып кетпек болған.  Жанжал Салтанаттың ағасы мен Бишімбаев арасында сол кезде болған.  Ал балалар бұл оқиғаның куә болып,  қорқып қалған. Айтуынша, осы кезде Айтбек Амангелді өзі полиция шақырған. 
Қуандық Бишімбаевтың  бұрынғы әйелі Назым Қаһарман да зорлау туралы айыпты жоққа шығарды.
«Жала жаппауыңызды сұраймын. Мен – сол қыздың анасымын. Онда мен жазған құжаттарды көрсетіңіз, өзіме де қызық болып кетті. Менің зорлау бойынша жазған арызымды да көрсетсеңіз. Ең қызығы – полицияға  жанжал бойынша шынымен де арыз түскен.  Балалар да қорқып қалған, себебі оларды әкесі түн ортасында қауіпті жағдайда балаларды тастап кеткен. Артынша істі өзі жауып, полицияға арыз жазбауымды  өтінді”, – деп жазды Бишімбаевтың  бұрынғы әйелі.

Фото: интернеттен алынды