Есімовтің күйеу баласы Jýsan банктің акциясын сатып алды

Malim Админ

  • 30.12.2020

Қазақстандық олигарх Ғалымжан ЕСЕНОВ Jýsan-банктің 20% жуық акциясын сатып алды. Бұл туралы Malim.kz «First Heartland Jýsan Bank» АҚ-ның баспасөз қызметіне сілтеме жасап хабарлайды.

«АТФ банктің бұрынғы акционері Ғалымжан Есенов  Jýsan банктің ірі акционері атанды. Ол банктің 19,97% акциясын сатып алған. Сатып алу жөніндегі екі жақты келісімді  ҚР қаржы нарығын реттеу және дамыту агенттігі мақұлдаған», - делінген хабарламада.

2019 жылы Әділбек ЖАҚСЫБЕКОВТЫҢ иелігінде болған  «Цеснабанк» Jýsan банк болып аты өзгерген еді. 38 жастағы олигарх Ғалымжан Есенов "Самұрық-Қазына" ұлттық әл-ауқат қорының басшысы Ахметжан Есімовтің күйеу баласы. 2007 жылы Айжан АХМЕТЖАНҚЫЗЫНА үйленген болатын.

Форбс журналының жазуынша, Қазақстандағы ең ықпалды 50-бизнесменнің тізіміне кірген.

Фото ғаламтордан алынды.

MalimBlocks
Зейнеткер Жақсыбековке жаңа қызмет бұйырды